Imbutaktak ni US President Donald Trump nga immanamongen ti Israel ti itantandudo na a ceasefire idiay Gaza.
Innayon ni Trump a pinirmis dan dagiti kondisyon tapno maileppasen ti 60-day ceasefire.
Mangnamnama iti Presidente ti Estados Unidos a sumungbaten iti Hamas agsipud ta nu saan ket kumaro laeng iti sitwasyon apaman nga agkedked da.
Inaklon pay ti opisyal ti Hamas a ti nasao a singasing ket nabaliwan manipud iti damo a ceasefire a naidiaya idi Hunyo.
Kunana a dagos da nga umanamong iti ceasefire nu ma-garantiya iti pannakaipasardeng ti pangraut ti Israel ken naan-anayen a maikkat dagiti soldado da.
