Nakatuding a mangipatulod ti North Korea ti kanayunan a 30K a soldado da a tumulong iti Russia ti gyera da kontra Ukraine.
Maibasar ti imbutaktak ti intelligence office ti Ukraine, mabalin a makasangpet ti nasao a bilang inton sumaruno a bulan.
Maipalagip nga idi met bulan ti Nobiembre ti napalabas a tawen ket immuna a nangipatulod ti North Korea ti aganay 11K a soldado a isu ti timmulong tapno maokupar da iti Kursk region ti Ukraine. Kadaitoy a bilang ket natay ti agarop 4K a soldado.
Innayon pay ti Ukraine Intelligence Agency nga adda ti nasaripatpatan da nga eroplano ti Russia iti beddeng ti Siberia mangal-aka kadagiti soldado ti North Korea.
Gapo iti daitoy ket agtultuloy met ti panawagan ni Ukrainian President Volodymyr Zelensky kadagiti kaalyado a pagilian a rumbeng a manayonan pay dagiti tulong militar kenkuada.
