Inallukoy ti National Task Force to End Local Communist Armed Conflict (NTF-ELCAC) ti Kongreso a pagpanunotan a nalaing ti panangirekonsidera ti singasing nga House Bill No. 213 para ti panagdusa iti kaso a red-tagging.
Impunto ti Legal Cooperation Cluster (LCC) iti anti-surgency task force a mabalin a maaramat ti posible a panangdusa iti red-tagging kontra kadagiti lehitimo nga aksiyon ti gobierno kontra kadagiti rebelde.
Nagpanawagan ti NTF-ELCAC a papigsaen lattan dagiti agdama a legal a remedyo ken suporta para iti institusyon a mangsalaknib iti seguridad ti pagilian ken panagbalin a nawaya dagiti sibilyan.
Imbatad pay ti task force a ti panangiduron nga aramiden a kriminal ti termino a red-tagging nga awanan iti statutory clarity wenno pammaneknek iti aktwal a perdisyon mangipaay laeng iti dalan para kadagiti panagabuso, misapplication, ken political weaponization.
Kunada a mangikabil laeng ti peggad ti nasao nga addang iti panangsalaknib kadagiti pudno a pangta iti likodan ti legal ambiguity bayat a madusdusa dagiti public servants nga ar-aramiden laeng met ti trabaho da.
Pakpakapsoten na pay daitoy iti tarigagay para ti national security dagiti otoridad ken laplappedan ti mandato iti gobierno tapno pagtalinaeden ti kinatalna ken kinakapia.
Daitoy a waragawag ti Task force ket kasaruno ti panangipila ti House Bill 213 da party-list representatives Antonio Tinio manipud ACT Teachers ken ni Renee Co manipud Kabataan Partylist. Nadakamat iti singasing a gakat iti ruling ri Korte Suprema idi napalabas a tawen 2024 a mangidekdeklara iti “red-tagging” kas pangta iti “right to life, liberty or security” ti maysa a tao.
