Impablaak ti Bureau of Internal Revenue (BIR) nga epektibo itan ti baro a listaan dagiti agas a saan a karaman iti Value Added Tax (VAT), kas maiyannurot ti Revenue Memorandum Circulars.
Kinuna ni BIR Commissioner Romeo Lumagui Jr. a panggep daitoy nga iwaras ti rekomendasyon ti Food and Drug Administration (FDA) mainaig ti kanayunan a siyam nga agas a VAT-exempt, pakairamanan dagiti para iti para ti cancer, diabetes, hypertension, kidney disease, ken tuberculosis.
Kasaruno daitoy ket nairuar pay ti memorandum a nangituding met kadagiti kanayunan a tallo nga agas para ti mental illness a paset ti VAT exemption.
Dinakamat ni Lumagui a ti VAT exemption ket maiyannurot ti intuding ti Republic Act No. 11534 wenno ti CREATE Act ken Republic Act No. 10963 wenno TRAIN Law a mangilaksid ti buis para laeng kadagiti napili a produkto pang-salun-at.
