Nagbalin a produktibo ti panagpatang iti telepono da Presidente Ferdinand Marcos Junior ken Canadian Prime Minister Mark Carney.
Napagpatangan dagiti dua a lider ti panangpapigsa ken panagpauneg pay ti kooperasyon ti tay-ak ti ekonomiya ken depensa. Malaksid iti dayta ket nadakamat da pay ti saritaan mainaig ti panangmintinir ti kinakapia ditoy rehiyon.
”Had a very good conversation with Prime Minister Carney of Canada. We discussd how our two nations can further strengthen and deepen cooperation in trade, defense and maintaining peace in our region”
Impadanon ni Presidente Marcos ti naimpusuan a panagyaman na para ti napartak a tulong ken suporta ti Canada iti Filipino community idiay Vancouver seknan ti nakaam-ames a trahedya idi Lapu-Lapu Day Festival a nakatayan ti aganay 11 nga indibidwal.
Mangnamnama met ti Presidente a lalo pay a mapalawa ti kooperasyon ti nagbaetan ti Pilipinas ken Canada para iti benepisyo ti umili ti tunggal maysa.
