Nakatudingen ti imbestigasyon ti Kamara de Representantes mainaig kadagiti iregularidad ti Prime Water.
Impila ni Zambales Representative Jay Khonghun ti House Resolution No. 22 a mangparegta ti imbestigasyon ti Kamara kadagiti reklamo seknan ti Joint Venture Agreements (JVAs) a sinerrek dagiti local water districts ken PrimeWater Infrastructure Corporation.
Segun kenni Khonghun, ti danum ket biag ken saan laeng a negosyo isu a nasken laeng a maitandudo ti strikto a regulasyon kadagiti joint ventures dagiti local water districts tapno masalakniban ti publiko manipud iti saan a nasayaat a serbisyo.
Inlawlawag ni Khonghun a ti panangimbestigar ti Prime Water ket awan ti laok na a politika agsipud ta problema daitoy ti pagilian a nabayagen nga irekreklamo dagiti konyumers.
Mangnamnama met ti mamanday-linteg a ti maisayangkat nga investigation in aid of legislation ket madakamaten nu anya iti napasamak nu apay a saan a naaramidan ti PrimeWater ti parte na iti katulagan a makaipaay ti natalged a serbisyo ken nu anya a paglintegan ti mabalin a maipasa wenno maamyendaran tapno saanen a maulit ti kapada .
Nupay kasta, awan met iti nakita a problema, uray kadagiti imbestigasyon ti Local Water Utilities Administration, a madaman nga ad-adalen ti Office of the President.
