Pinaregta ni Senator Migz Zubiri ni Presidente Ferdinand “Bongbong” Marcos Junior a mangiruar ti posisyon na mainaig ti itanandudo na a total ban iti online gambling.
Agtalek ni Zubiri a dakkel a banag ti agbalin a posisyon ti maysa a Presidente kontra ti online gambling kas iti panangibawal idi ni sigud a Presidente Rodrigo Duterte iti e-sabong ken ti panangiparit ni PBBM kadagiti Philippine Offshore Gaming Operators (POGO) ditoy pagilian.
Aminado ti Senador a kasapulan ti political will ken mangipakita ti “great leadership” iti kina-Presidente tapno labanan ti online gambling nangruna ta adu iti nabibileg ken nababaknang ditoy pagilian iti matamaan.
Kinunana a sigurado nga adu a gagayyem ti Presidente ti mairaman a nasken a sangwen ti gobierno nga awanan buteng ken nanagpabor iti manmano nga indibidwal.
Mainaig daitoy ti panawagan ni Zubiri a mairaman ti priority bills ti Legislative Executive Development Advisory Council (LEDAC) ti gakat nga “Anti-Online Gambling Act of 2025”.
Innayon ti senador a saan nga “worth it” iti social cost wenno iti negatibo nga epekto ti online gambling para ti pakabuklan gapo iti kaadda ti panagbagsak ti consumerism, panagbaba ti konsumo ti enerhiya, ken kakaroan ket ti panag-adu ti krimen gapo iti sugal.
