BR LA UNION – Kinumpirma ni Vice President Sara Duterte a saan a dumar-ay iti maika-uppat nga State of the Nation Address (SONA) ni President Ferdinand Marcos Jr. inton Hulyo 28, 2025.
Kinuna ni VP Sara, awan met laeng iti napateg nga ibaga ti Presidente maipapan iti pagilian.
Imbaga pay ti bise presidente a nasay-sayaat pay nga ibusen ti oras na iti pannakipolapol iti Filipino community, tapno talantanen nu anya dagiti mabalin nga aramiden para iti panangidur-as ti pagilian.
Inaramid ni VP Sara iti kumpirmasyon iti maysa nga interview kenkuana idiay Melbourne, Australia idi Domingo.
Daytoy iti maikadwa a gundaway a saan a dumar-ay ti bise presidente iti SONA ti presidente, immuna idi napan a tawen, 2024, idi inaramid na ti kontrobersiyal a waragawag a dutukonna ti bagi na kas “designated survivor.”
Maipalagip nga idi 2022 ket 2023 ket dimmar-ay ni VP Sara iti SONA ni PBBM ken imbaga na nga agtrabaho daytoy a kabinnulig ti Office of the President ken nagyaman pay iti liderato ni Presidente Marcos Jr.
