BR LA UNION – Kalpasan ti nasurok 10 a tawen a panaglemmeng iti linteg, natiliwen dagiti otoridad ti maysa a wanted person a naka-aramid ti krimen a gandat a pammapatay.
Inarestar ti City of San Fernando Police Station kadwa da ti dadduma pay a police unit, iti suspek nga agtawen ti 33, baro, maysa a merchandiser, residente ti Barangay Dalumpinas Este, San Fernando City, La Union.
Naisayangkat ti operasyon idi Hulyo 9, 2025 agarop alas 3:02 ti malem iti nasao a lugar, maiyannurot iti warrant of arrest nga impaulog ni Hon. Caroline S. Rojas-Jaucian, Presiding Judge, Regional Trial Court, Branch 26, San Fernando City, La Union a napetsaan ti Oktubre 29, 2014 gaputi kaso a frustrated homicide.
Nailatangan ti 24,000 pesos a bail bond wenno piyansa para ti temporaryo a pannakawayawaya iti suspek.
Nai-record iti operasyon babaen ti Alternative Recording Device.
Kalpasan iti pannakatiliw ti suspek, naiturong iti City Health Office para ti medical examination kalpasanna, a naiturong iti kustodiya ti San Fernando City Police Station para ti naan-anay a dokumentasyon ken disposisyon.
