Impadamag ti DOST nga adda ti banbantayan da a Low Pressure Area (LPA) iti ruar ti Philippine Area of Responsibility (PAR) ken dakkel ti tyansa na nga agbalin a tropical depression iti uneg ti 24 nga oras.
Agtultuloy daytoy a mabanbantayan gapo ta posible nga maaddaan ti epekto iti kasasaad ti panawen iti pagilian kadagiti sumarsaruno nga aldaw.
Kagiddan ti nasao nga LPA ket iti maysa pay nga LPA a remnants wenno tidtidda ti sigud a Tropical Depression Danas nga agtaltalinaed iti ruar ti PAR.
Segun iti ahensia, nababa iti posibilidad nga agbalin manen daytoy a Tropical Depression wenno bagyo iti sumaruno a 24 nga oras.
Numanpay awan ti direkta nga epekto iti pagilian, napateg iti agtultuloy a panangmonitor ti publiko kadagiti updates manipud kadagiti eksperto.
Nabalakadan dagiti lokal a gobierno ken residente kadagiti coastal regions nga agbalin nga alerto iti posible a panagtudo wenno iti dakes a panawen.
Napateg met iti umno wenno kusto nga impormasyon tapno maliklikan iti panic ken makapagsagana a naimbag. #
