BR LA UNION – Dimmanon iti ‘all-time low’ iti presyo ti Tawilis a mailaklako iti naduma-duma a merkado publiko idiay probinsiya ti Cavite.
Manipud iti sigud a P250 kada kilo ti Tawilis ket agbalor ita ti P100, banag a nagdanagan dagiti vendors nangruna dagiti mangngalap gaputa maapektaran ti pamastrekan dagitoy.
Iti panagbaba ti presyo ti tawilis ket gapu iti imbutaktak ti maysa kadagiti suspek iti panagpukaw dagiti mammallot nga ita ket nagbalin a whistleblower a ni Julie Patidongan alyas “Totoy”, a naibelleng dagiti missing sabungeros idiay Taal lake.
Gaputi nasao a kontrobersiya, nagbuteng ken naalumi-im dagiti buyers ken consumers a gumatang ti tawilis, banag a naka-apektaran ti birok dagiti local fishers ken uray dagiti fish vendors.
Gaputi dayta, amken ti grupo dagiti mangngalap ditoy pagilian a Pambansang Lakas ng Kilusang Mamamalakaya ng Pilipinas (Pamalakaya), nga agsuwek pay ti farm-gate price ti tawilis a sigurado a maka-apektar iti economic impact kadagiti babassit a mangngalap, a pagtataudan ti inaldaw a birok ken pagbibiagan dagitoy.
Immunan a nangipaulog ti statemet ti Bureau of Fisheries and Aquatic Resources (BFAR) a dagiti lames a maal-ala idiay Taal Lake a pakaibilangan ti tawilis ket natalged nga ipa-uneg wenno safe for consumption.
Iti sida a tawilis ket masarakan laeng idiay idiay Taal Lake idiay probinsya ti Batangas.
Iti Sardinella tawilis wenno tawilis iti lokal a nagan ket maibilang a most endemic fish species idiay Taal Lake, gaputi nalabes a panagkalap ken pangta iti panagbettak ti bulkan Taal.
Iti tawilis ti kakaisuna a freshwater sardine iti intero a lubong, kayatna sawen, masarakan laeng daytoy a klase ti sida idiay Taal Lake.
