Nakasangpeten idiay Ukraine iti umuna nga Abrams tanks ti Australia.
Iti M1A1 Abrams tanks ket regalo ti Australia kas pananglaban kontra Russia.
Naaddaan ti panagkaitantan ti nasurok siyam a bulan agsipud ta kasapulan pay ti panangaprobar ti Estados Unidos.
Segun kenni Prime Minister Anthony Albanese ti Australia, napateg iti panang-aprobar ti Estados Unidos iti panangipaay kadagiti tangke a naaramid sadiay.
Immunan nga inkari daytoy ti pagilian nga Australia iti Ukraine idi pay Oktubre napalabas a tawen.
Naipaayen ti Australia iti nasurok a kagudwa manipud kadagiti 49 a pidaso nga inkari da bayat a dagiti nabatbati ket mabalin a sumangpet metten kadagiti sumarsaruno a bulan.
Impasigurado ti Australia nga adda ti napateg a tulong daytoy para iti Ukraine kontra iti Russia.
Dagiti 49 nga Abrahan Tanks ket manipud iti fleet ti 59 a nagatang ti Australia idi 2007 ken daytoy ket sinukatan dan ti M1 A2 model.
Addaan met ti pakabuklan a gatad a $245 million kas paset ti $1.5 billion nga inkari a tulong ti Australia iti Ukraine.#
