Nagdispensar ti miembro ti BINI a ni Mikha Lim kalpasan a nag-viral iti social media ti video a mangipakpakita kenkuana nga agus-usar iti cellphone bayat ti panagmanehona.
Iti statement-na, inamin ni Mikha ti biddut ken inkarina nga agbalin isuna nga ad-adda a responsable ti panagmaneho.
Naipadamag pay a nagparang daytoy iti Land Transportation Office mainaig iti insidente, kasaruno ti tignay ti ahensia a mangsuspende iti lisensiana.
nagpalagip met ti nasao nga insidente ti peggad ti panagusar iti selpon bayat ti panagmaneho, a mabalin a mangigubuay ti aksidente saan laeng a ti drayber no di pay ket kadagiti dadduma a motorista ken tattao nga agususar iti kalsada.
