Impaganetget ni Sen. Raffy Tulfo ti pannakaikabil iti speed humps kadagiti pedestrian lanes tapno maliklikan ti aksidente ken pannakatay dagiti bumalballasiw iti kalsada.
Iti hearing ti Senate Committee on Public Services ita a Mierkoles, Oktubre 28, kinuna ni Tulfo nga agtultuloy latta dagiti insidente ti pannakadungpar kadagiti pedestrian lanes gapu kadagiti motorista a saan a sumarsardeng tapno ikkan dalan dagiti bumallasiw.
Segun iti senador, nabayagen nga insingasingna ti pannakaikabil dagiti speed humps kadagiti intersection kas simple a wagas tapno mapabannayat dagiti lugan ken ipalagip kadagiti motorista nga agannad.
Impaganetget ni Tulfo a saan a rumbeng nga iyaleng-aleng ti kinatalged dagiti umili, nangruna kadagiti lugar nga addaan iti naituding a pagballasiwan.
Mangnamnama ti senador a maipaayan iti atension ti singasing tapno makatulong a manglapped kadagiti aksidente ken mangsalaknib iti biag.
