BR LA UNION – Umabot iti 222, 620 a pamilya wenno buklen ti 778, 813 individuals iti naapektaran kadagiti dakes a panawen kas ti bagyo crising, dante, emong, ken habagat iti rehiyon uno.
Iti interview ti Bombo Radyo La Union kenni Adreanne Pagsolingan, Information Officer ti Office of Civil Defense Region One (OCD-R1), kinuna na nga adda pay 2,000 a pamilya ti agtaltalinaed kadagiti evacuation centers bayat a 1,300 ket adda iti ruar ti evacuation centers wenno temporaryo a nakipagnaed iti cacabagyan da.
Ongoing met latta iti relief operations ken debris clearing operations dagiti LGU’s kadua iti NDRRMC.
Maibasar iti report, nasurok P30 million iti naited a cash assistance, food items, hygiene kits ken family food packs kadagiti adda iti evacuation centers.
Kabayatanna, maibasar pay iti report maysa pay laeng iti naireport a nadangran ken under verification iti dadduma a reported casualties nu adda pakainaigan da iti bagyo ken habagat.
Dagiti kalsada ket agdama a matartarimaan ken agtultuloy iti clearing operations para iti 56 a national ken local roads a saan pay mabalin a madalanan ken tallo a rangtay iti not passable a pakaibilangan ti dua a national bridge idiay Pangasinan ken maysa a local bridge.
Iti agdama in-inut a maisubsublin iti kuryente kadagiti nadumaduma a paset ti La Union, babaen kadagiti electric agencies.
