BR LA UNION – Maipagarop a nangriribok dagiti barko ti China Coast Guard (CCG) iti insayangkat a Kadiwa operations ti Philippine Coast Guard (PCG) idiay Bajo de Masinloc idi Domingo, segun kenni Commodore Jay Tarriela, tagapagsarita ti PCG para idiay West Philippine Sea.
Bayat nga awit da ti ayuda para kadagiti mangngalap a Pilipino babaen ti Kadiwa program, sumagmamano a barko ti China iti agresibo a nanglapped iti ng barko ti Pilipinas.
Ti tengnga iti tensyon, dua a barko ti CCG iti nagdinnungpar bayat iti pananglapped da iti operasyon ti PCG.
Malaksid iti panagdinnungpar, maipagarop a nagusar pay ti water cannon dagiti barko ti China kontra iti barko ti PCG ken Bureau of Fisheries and Aquatic Resources (BFAR), kabilang iti BRP Bagacay ken BRP Bankaw, a nagpasar ti perdisyon iti sumagmamano a paset ti barko.
Segun iti PCG, uppat a barko ti CCG ken innem a Chinese maritime militia vessels iti karaman ti insidente.
Binabalaw ti PCG iti nasao nga inaramid a panagriribok ti China, nangruna ket para iti panangtulong kadagiti lokal a mangngalap ti nasao nga operasyon.
Iti insidente ket mangipak-pakita ti agtultuloy a tensyon idiay West Philippine Sea ken kasapolan ti natibtibker nga aksyon tapno maprotektaran iti karbengan ti Pilipinas iti bukod a teritoryo.
