Maysa a 60-foot passenger boat nga addaan ti nagan a Discovery iti simadsad ken dandani nagsikig iti nabato a paset ti kabaybayan asideg iti Kewalo Basin Harbor idiay Honolulu, Hawaii idi Sabado.
Maibasar iti report, agarop alas-8 ti bigat idi mapasamak iti insidente.
Makita kadagiti naala a video dagiti nakaimatang a dandani nagsikig iti bangka bayat nga iyan-anod ti dadakkel a dalluyon.
Dua a crew laeng iti sakay ti Discovery ken agpada a natalged, segun iti U.S. Coast Guard.
Dagos met a naikkat iti langis, krudo, ken baterya ti bangka tapno mailiklikan iti oil spill.
Segun kadagiti otoridad, iti bangka ket naamwan a naidungpar iti dakkel a bato kalpasan nga iyanod ti dadakkel a dalluyon agturong iti igid ti baybay.
Iti agdama, naguyoden iti nasao a bangka kalpasan a ngimmato iti lebel ti danom iti nasao a kabaybayan.#
