Suportado ti African Union (AU) iti panawagan a gibusanen iti panagaramat ti 16th-century Mercator map dagiti gobierno ken world institutions, kasukat ti pudpudno a size representation dagiti kontinente kas iti Equal Earth projection.
Segun kenni AU Commission Deputy Chairperson Selma Malika Haddadi, pinabassit ti Mercator projection iti Africa ken South America bayat a pinadakkel men iti North America ken Greenland, a nangitonda ti saan nga umiso a pammati nga iti Africa ket “marginal” wenno saan a napateg – iti laksid ti panagbalin a maikadua a kadakkelan a kontinente nga addaan ti 54 a pagilian ken nasurok a maysa bilyon a populasyon.
Indauluan dagiti grupo nga Africa No Filter ken Speak Up Africa iti kampanya a “Correct The Map” nga addaan panggep a sukatan iti Equal Earth projection ti maiyannatup a rukod dagiti kontinente ken iti panangipatungpal ti Equal Earth kas kangrunaan a mapa kadagiti silid-pagadalan iti intero nga Africa, tapno masaliwanwan iti umno a panakabigbig dagiti Aprikano.
Agtaltalinaed iti Mercator kas default map projection kadagiti kaaduan a mobile apps ken dagiti institusyon iti intero a lubong uray pay inabandonan dagiti sumagmamano a tech company kas iti Google.
Panggep pay ti kompanya a nga awaten ti World Bank ken United Nations iti Equal Earth map, ngem segun iti World Bank, ar-aramaten da daytoyen kadagiti sumagmamano nga static maps ken in-inut nga ik-ikkaten iti Mercator kadagiti web-based maps.###
