Impaganetget ni Senador Juan Miguel Zubiri a nasken ket maipasidong ti drug testing dagiti amin a senador tapno mapukaw ti panagdudua iti publiko nga adda iti agus-usar ti maiparit nga agas idiay Senado.
Innayon ti senador a nu ti aplikante nga adda iti nababa a posisyon ket kasapulan na ti mangipakita ti negatibo a resulta sa drug test, mas rumbeng nga aramiden daitoy dagiti nakangatngato iti posisyon da.
“Kaya kailangan magdrug test kami lahat, pero follow the leader. Kaya dapat, mauna po ako. And willing din po akong mag-hair follicle test para sa ganun eh walang duda, na alam ko din na sa opisina ni Migz Zubiri eh walang nagdro-droga doon,” kinuna ni Zubiri.
Nagbalin a nabara ti saritaan seknan ti droga iti hanay dagiti staffs ti Senado gapo iti kontrobersiyal nga akusasyon kontra ti sigud nga artista a mapabpabasol nga agus-usar iti marijuana iti pasdek.
Suportado met ni Zubiri ti panangitukon ti pondo para kadagiti pampubliko nga ospital tapno mapapartak pay dagiti drug testings ken maliklikan dagiti mabaybayadan a pangpribado nga testing centers tapno mangiruar ti peke a resulta.
