Inlawlawag ni Supreme Court Spokesperson Attorney Camille Sue Mae Ting a saanen a baro ti online survey nga inruar ti Judicial and Bar Council kadagiti kandidato ti kina-Ombudsman.
Innayon na a paset laeng daitoy ti ‘vetting process’ iti panangisagana ti‘shortlist’ kadagiti agbalin a nominado a maisubmitir met kenni Presidente Ferdinand “Bongbong” Marcos Junior a sigud nga maar-aramid babaen ti ballpen ken papel.
Inaramid daitoy ti Korte Suprema tapno makatulong iti Judicial and Bar Council a makagun-od iti nalawlawa a background checking wenno impormasyon mainaig kadagiti kandidato.
“It has always been the practice of the Judicial and Bar Council (JBC) to invite comments from the public on all applicants as part of its vetting process before preparing the shortlist of nominees for appointment by the President. This practice helps the JBC gather broader background information on candidates”
Inbinglay met ti Judicial and Bar Council naman a silulukat da ti reklamo manipud ti publiko kadagiti kandidato kasaruno metten ti panangiyanunsyo ti schedule kadagiti petsa ti public interviews.
Imbatad pay ni Ting a mabalin a mangisubmitir ti publiko iti sworn-complaint, report, wenno nainget a panagkontra kadagiti aplikante.
