Inbutaktak ti Philippine Coast Guard a saan a naipatayab dagiti drones idi Agosto 11 kalpasan ti panagdinnungpar dagiti dua a barko ti China idiay Bajo de Masinloc gapo iti signal jamming.
Segun kenni PCG spokesperson for the West Philippine Sea Commodore Jay Tarriela, mamati isuna nga insadya daytoy ti China tapno pawilan iti drone operation ken tapno saan a madokumento iti nasao nga insidente.
Innayon na pay a daytoy iti umuna a gundaway a napadas da ti electronic jamming iti lugar.
Iti agdama ad-adalen dan dagiti maiyannatup nga addang tapno maituloy iti panagusar ti drone.
Inpaganetget pay ni Tarriela, awan iti pakainaigan ti Pilipinas iti nasao a panagdinnungpar dagiti dua a barko agsipudta napasamak laeng daytoy gapo iti iligal a presensya da iti uneg ti exclusive economic zone ti pagilian.
