Inbilin ti Commission on Audit Chairperson Gamaliel A. Cordoba, iti panangisayangkat ti fraud audit kadagiti flood control projects idiay Bulacan, kas paset ti addang ti gobyerno ken direktiba ni Presidente Ferdinand Marcos Jr. para kadagiti responsable ti palpak a flood control projects ditoy pagililan.
Karaman iti audit dagiti proyekto ti Department of Public Works and Highways idiay Bulacan, maysa a lugar a masansan a malaylayos.
Dumanon ti P44 bilyon iti impaay ti gobyerno ken kadakkelan iti Region 3 a naipaayan ti 45% iti pakabuklan a pondo.
Nakaawat iti Central Luzon ti P98 bilyon manipud Hulyo 1, 2022 agingga Mayo 30, 2025, katupag ti 18% ti paabuklan a P548 bilyon a pondo para iti flood control projects ditoy pagilian.
Kabayatanna, binilin ni Cordoba dagiti supervising auditor ken audit team leader kadagiti DPWH District Engineering Office Region 3 a dagos nga agsubmitir ti dokumento para iti pangisayangkat ti fraud audit.#
