Nagturong ni Presidente Ferdinand Marcos Junior idiay Ormoc City tapno bisitaen ti RM Tan Solar Pump Irrigation Project ti nasao nga ciudad kadwa ni National Irrigation Administration (NIA) Administrator Engineer Eddie Guillen.
Panggep ti P100-M a gatad ti proyekto a madanuman ti aganay 100 nga ektarya a talon a manamnama a pagnumaran dagiti 92 a mannalon ken kadagiti pamilya da babaen ti mamindua a daras a panagmula ken panag-apit ti maysa a tawen. Ti solar-powered irrigation ket sumukat iti magastos ken saan nga environment-friendly a diesel pump.
Pagaammo a ti RM Tan Solar Pump Irrigation Project ket paset laeng ti 7-Point Strategic Policy Agenda ni Administrator Guillen a manamnama a mangitandudo ti renewable energy kas iti solar power.
Gapo iti daitoy ket agbalinen a narang-ay ti sektor ti agrikultura iti rehiyon babaen ti kabaroan a teknolohiya ti irigasyon a suportado met iti gobierno.
