Impadamag ti Department of Agriculture a mairamanen dagiti mangngalap kadagiti benepisyaryo ti programa a baente pesos tunggal kilo a bagas manipud inton Agosto 29.
Agtultuloy met iti linawas a distribusyon ti nalaka a bagas kadagiti probinsya nga addaan ti aktibo a National Food Authority depots agingana iti panagleppas ti tawen.
Paset kadagiti immunan a benepisyaryo ti programa ket dagiti senior citizens, persons with disabilities, solo parents, indigent, ken napalawa idi kallabes tapno mairaman dagiti minimum wage earners, DSWD Walang Gutom program beneficiaries, dagiti mannalon ken farm workers nga adda iti Registry System for Basic Sectors in Agriculture.
Segun kenni Agriculture Secretary Francisco Tiu Laurel Jr., agarop 400,000 a pamilyan iti natulangan ti nasao a programa. Adda met iti umdas a suplay ken pondo tapno maitultuloy daytoy.
Iti sidong ti 2026 national budget, P10 billion iti kanayunan a pondo iti naisingasing para iti rice program.
