Naipasidong iti drug testing ni Senadora Imee Marcos ken dagiti staffs na kasaruno paylaeng ti naipadamag nga adda iti nagusar ti marijuana nga empleyado ti Senado iti uneg mismo ti pasdek.
Segun iti opisina ni Senadora Imee, nalpasen dagiti amin a 38 nga staffs na pakairamanan amin a security personnel a naipasidong ti 5-panel drug test para kadagiti droga a cocaine, shabu, ecstasy, marijuana, ken opium. Imbida a met nga awan kadagitoy iti kimmontra iti pammilim.
Malaksid iti Senadora ket nagpa-test metten da Senador Juan Miguel Zubiri ken ni Senador Raffy Tulfo kasta met dagiti amin a staffs da. Rimuaren iti resulta ti test kenni Senador Tulfo ken dagiti staffs na ken nagnegatibo da amin dagitoy manipud iti impluwensya dagiti lima a droga.
Minandato met ni Senadora Loren Legarda dagiti staffs na nga agpaisidong iti test tapno masiguro a drug-free da amin bayat a nangipeksa paylaeng ni Senate President Pro Tempore Jinggoy Estrada a maipasidong iti drug testing kasta met dagiti personnel ti opisina na.
