Nakaragsakan ti Palasyo ti Malakanyang iti damag nga asidegen a magun-od ti Pilipinas iti upper-middle income threshold.
Segun kenni Palace Press Officer Undersecretary Claire Castro, pammaneknek laeng daitoy nga agtrabtrabaho iti administrasyon tapno mapasayaat iti ekonomiya ti pagilian laksid dagiti nagduduma a pang-uneg ken sangalubongan a karit.
Agtalek ti Palasyo a mabalinan ti Pilipinas a magun-od ti upper middle income status ita a tawen nga uray pay inton Hulyo 2026 pay a maamwan ti resulta.
Maipalagip a dagiti mismo economic managers ni Presidente Ferdinand Marcos Junior iti nangited ti garantiya a mabalinan ti pagilian ti upper middle income status ita a tawen ken apaman magun-oden ket adu a benepisyo ti kagiddan na pakairamanan ti access kadagiti international markets, economic stability, stabilidad ti economic growth, ken dadduma pay.
