Inawagan kas “PR stunt” ken panagpolitika ni Manila 3rd District Representative Joel Chua ti nagbalin a waragawag ni Manila Mayor Isko Moreno mainaig ti ilegal a pannakaipasdek ti proyekto a Sentro Komunidad de Santa Cruz a para iti distrito na.
Pinalagan ni Chua ti arig na panangpasardeng ni Mayor Isko iti community center project na iti ciudad ken innayon nga awan met iti demolisyon ken building permits para iti nasao a proyekto.
Maipalagip a nangrugi iti proyekto idi pay tawen 2020, panawen a saan pay a kongresista ni Chua.
Kinunana a ti rumbeng a makuwestyonaran ket ti DPWH nga isu iti pagdaldalanan iti panangaprobar, implementasyon, ken panangited kadagiti permits.
Segun kenni Chua, nalpasen iti eleksyon ken nasken ket sardenganen ti apa iti politika nu ketdi ket agtinnulong lattan para kadagiti residente ti Maynila.
Insungbat ni Chua kenni Moreno nga imbestigaran ti bagbagi na gapo kadagiti ilegal a demolisyon ken panangipasdek na kadagiti pasdek a dapat ket maibutaktak iti umiso a venue ken saan a maidalan iti social media.
