Imbilinen ni Israeli Prime Minister Benjamin Nentayahu dagiti negosasyon tapno marugian ti pannakawaya-waya dagiti amin a nabatbati a kautibo ken panagibus ti gyera idiay Gaza babaen ti kondisyon a pumabor ti Israel.
Innayon pay ni Netanyahu kadagiti soldado da nga inaprobaranen ti gabinete na ti plano para iti nalawa nga opensiba militar idiay Gaza City, partikular iti makin-Amianan a paset ti teritoryo tapno ibusen ti Hamas ken mawaya-wayaan amin a kautibo laksid ti panagkontra dagiti international ken domestic organizations.
Maipalagip nga immanamong ti Hamas iti singasing ti Qatari ken Egyptian mediators para ti 60-day ceasefire idi aldaw ti Lunes, a segun iti Qatar ket mangipaay-dalan tapno mawayaanen ti kagudwa a bilang dagiti nabatbati a kautibo idiay Gaza.
Nupay kasta, saan pay nga inaw-awat ni Netanyahu iti singasing ken agtalek ti pagilian na a 20 manipud kadagiti 50 a kautibo laengen ti nabiag para ti 22 a bulan a gyera da iti Hamas.
