Impaganetget ni Senate Deputy Minority Leader Senadora Risa Hontiveros nga adda iti legal a pagbasaran ken nasayaat a rason ti Pilipinas tapno isuko ni Kingdom of Jesus Christ (KOJC) leader Pastor Apollo Quiboloy idiay Estados Unidos.
Segun iti senadora, uray adda ti dagiti agdama a kaso ni Quiboloy ditoy Pilipinas, mabalin latta a maiturong isuna idiay Estados Unidos tapno pagsungbatan dagiti kaso na ken maisubli met laeng ditoy a pagilian pata ti panagdengngen manen kadagiti naaramid na a krimen.
Innayon ni Hontiveros a ti pastor ket addaan met kadagiti biktima idiay Estados Unidos a nabayagen nga agur-uray iti hustisia ken saan nga umiso a matantan ti labanda.
Kinunana a ti katulagan ti gobierno iti temporario a panagsuko ket maysa a wagas a panangtulong kadagiti biktima idiay America bayat nga intudona a saan a mapukaw dagiti kaso a sangsanguen ni Quiboloy ditoy Pilipinas.
Kabayatanna, impaganetget ni Hontiveros no kasano nga ikagkagumaan ni Quiboloy nga usaren ti impluensia ken kuartana tapno maliklikan ti pannakabista.
Iti laksid daytoy, awan pay met ti pormal a kiddaw nga extradition a naawat ti Department of Justice (DOJ) manipud iti embahada ti Estados Unidos.
