Nangilatagen ti contigency measure wenno security plan ti gobierno ti Pilipinas apaman mapasamak iti “worst case scenario” idiay West Philippine Sea (WPS) nangruna ta agtultuloy latta ti panagbalin nga agresibo ti China.
Aniaman nga oras wenno direktiba ket nakasaganan ti Armed Forces of the Philippines nga iyusawat iti nasao a security plan.
Kinuna ni National Maritime Council Spokesperson Undersecretary Alexander Lopez paset ti pagsagsaganaan da ket ti panangasideg manen wenno pananggaraw mismo ti China iti BRP Sierra Madre kasaruno ti panangipaganetget nga awan iti makalapped iti Pilpinas a mangisayangkat kadagiti rotation and resupply missions para kadagiti nakaistasayon a tropa.
Imbatad ni Lopez a nalawag a nakailanad iti provisional understanding ti nagbaetan ti Pilipinas ken China a saan a rumbeng nga tantanen, harangen, ken istorboen dagiti RoRe missions.
Iti agdama, 24 oras a nakabantay dagiti tropa ti pagilian ken nakadokumento amin a garaw dagiti barko ti Chinese militia vessels idiay West Philippine Sea.
