Pinasingkedan ni U.S. Vice President JD Vance a nangipadanon ti Russia ti inawagan na kas “significant concessions” wenno panangamong iti negosasyon a leppasenen ti gyera kontra Ukraine.
Iti naangay a ”Meet the Press” idi Dominggo, (aldaw idiay Estados Unidos) ket impaganetget ni Vance a nagbalin nga “flexible” ti Russia kadagiti kangrunaan a kiddaw da, karaman iti panangbigbig iti soberanya ti Ukraine ken panagkontra iti kaadda ti puppet regime idiay Kyiv.
Nupay awan iti nabukel a plano para ti personal a panagtaripnong ni Russian President Vladimir Putin ken ni Ukranian President Volodymyr Zelenskyy, impannakkel met ni Vance a seryoso ti Trump administration a mangitantandudo iti diplomasya.
Iti naisina a waragawag ket kinuna ni Russian Foreign Minister Sergey Lavrov a raraemen da ni U.S. President Donald Trump imbatad na a saan nga ususaren ti Russia iti lider, kasaruno ti panagkontra dagiti lider ti European Union iti katulagan.
