Pormalen a nangipila ti kaso ni Congressman Leandro Leviste kontra kenni Batangas 1st DPWH District Engineer Abelardo Calalo a ginandata suholan isuna ti nasurok tallo a milyon a pisos tapno saan nga imbestigaran dagiti palpak a flood control projects iti distrito na.
Dagiti impila a kaso ni Leviste ket direct bribery, corruption of public officials, panaglabsing ti anti-graft and corrupt practices, ken role of conduct and ethical standards for public official.
Imbutaktak na pay ti kaadda ti nasurok 300M a tinawen nga Standard Operation Procedure (SOP) wenno ‘kickbacks’ manipud kadagiti proyekto ti Department of Public Works and Highways (DPWH) a nakatukon para iti congressman, kas maibasar metten mismo iti pannakipatang na iti inhinyero sakbay nga indiaya na iti suhol
Inbinglay ni Leviste a kinuna ti District Engineer nga adda dagiti contractors a mapinpintasan iti liderato na ken nangipeksa a kayat isuna a suportaran ken nakasagana dan nga ited a dagos iti kwarta.
Kabayatanna, panggep na met nga aramiden kas state witness ti naarestar a district engineer ti Batangas a posible a makatulong dagiti ammo na iti sistema ti korapsyon iti uneg ti ahensya. Temporario met nga adda sadiay Taal Police Station ni Engineer Calalo.
