Pinaregta ti Department of Trade and Industry (DTI) iti publiko nga agbalin a vigilante ken agannad kadagiti gatgatangen da online.
Daitoy a panawagan ti ahensya ket tapno masalakniban dagiti konsyumer manipud iti agtultuloy a ngumatngato a bilang dagiti scams wenno panangallilaw kadagiti online platforms.
Napateg kuna ti DTI nga adalen iti online merchant a paggatangan da ken siguraduen nga addaan daitoy iti “Trustmark.”
Ti Trustmark iti agserserbi kas indikasyon a ti merchant ket lehitimo ken mapagtalkan, banag a makatulong met tapno maliklikan nga agbalin a biktima dagiti mannibrong.
Aminado ni Trade Secretary Christina Roque nga agtultuloy latta ti panagraira dagiti scammers nga nagsaknapen ti operasyon da kadagiti nagduduma nga online platforms.
Gapo iti daitoy ket nagbalinen nga strikto ti DTI kadagiti addang da para ti panaglaban kontra online fraud ken panangsalaknib kadagiti consumers.
Manipud iti panangdakamat ti pondo ti ahensya ket inlawlawag ni Trade Assistant Secretary Marcus Valdez iti E-Commerce Bureau ti maipapan ti sertipikasyon nga ipapaay ti DTI kadagiti lehitimo a produkto ken online sellers.
