Maragsakan ni Department of Justice Secretary Jesus Crispin Remulla ti pannakasuspindir ni Criminal Investigation and Detection Group Director General Romeo Macapaz ken kinuna a rumbeng laeng daitoy para ti sigud nga opisyal gapo paylaeng iti pannakainaig na iti kaso dagiti mapukpukpaw a mammallot
Segun kenni Remulla, adda iti plano wenno ginandat payen ti sigud a CIDG Director a dalusan dagiti teorya ti imbestigasyong para ti pannakaresolbar ti kaso isu a maiparbeng laeng iti 90-day preventive suspension a naipaulog kenkuana babaen ti National Police Commission.
Ti suspensyon ket mainaig met iti impila a mosyon ni Ellakim Patidongan, kabsat ti whistleblower a ni Julie Dondon Patidongan, gapo iti panagkumpiskar ni Macapaz ti cellphone na kasta met kadagiti kakadwa na ken dagitoy ket naglaon kadagiti sensitibo nga impormasyon nga a napateg para iti panagrang-ay ti imbestigasyon.
