Nangipaay ti pinal a palagip ni Supreme Court Associate Justice ken Bar Examinations chairperson Amy C. Lazaro-Javier para inton bigat kangrunaan kadagiti bar takers.
Impalagip na dagiti rumbeng a lagipen iti uppat nga aldaw a Bar Examinations kas iti panangisagana ti aramaten a laptop wenno gadget ken siguraduen a naka-install iti Examplify Version 3.8.0.
Rumbeng met a naikabesa iti login credentials, naka-default font ti Times New Roman, size 14, ken i-download iti exams sakbay pay a sumangpet kadagiti ‘testing centers’.
Impaganetget met ni Associate Justice Lazaro-Javier a suruten dagiti nakailanad kadagiti Bar Bulletins ken notosiya a nakadetalyean dagiti banag a mabalin laeng nga itugot ken dadduma pay.
Kabayatanna, imbalakad ti nasao nga Associate Justice a nabirnasan met kas ‘Bar Mom’ nga ipateg iti pakabuklan a pinagdalanan dagiti Bar takers iti likudan ti posible a mariknada a nerbyos, ken saan a liplipatan iti agayat babaen ti panagayat iti bukod a bagi.###
