Intantan ti Pre-Trial Chamber I ti International Criminal Court iti panagdingeg iti confirmation of charges kontra kenni sigud a Presidente Rodrigo Duterte nga orihinal a nakaituding inton Setyembre 23, gapo ta kiniddaw daytoy ti kampo na.
Maibasar iti waragawag ti kampo, saan isuna a “fit to stand trial” wenno saan na a kabaelan ti dummar-ay iti panagusig gapo iti kasasaad ti salun-at na.
Segun ti ICC, limitado a postponement iti naipatungpal tapno ikkan-dalan ti panagresolba iti nadakamat a kiddaw ken dagiti dadduma pay a banag.
Maipalagip a naarestar ni Duterte idi Marso 11, 2025 mainaig iti crimes against humanity pakairamanan ti murder, torture, ken rape a maipagarop a napasamak kabayatan ti panagtakem na idiay Davao City ken iti administrasyon na kas Presidente ti Pilipinas.
Kabayatanna, panggep ti confirmation of charges hearing a maamwan no adda ti umdas nga ebidensya ken no nakumpirma ket maipaima iti kaso iti Trial Chamber para iti pormal a panagusig.###
