BR LA UNION – Pinaglibakan ni Mayor Benjamin Magalong a naglosolos iti pwesto kas mayor ti Baguio City tapno maipamaysa na iti independent commission nga agimbestigar iti maipagarop a korapsiyon iti infrastructure projects ti gobyerno iti napalabas a 10 a tawen.
Inaramid ti mayor iti palawag iti online account na kasaruno ti naipadamag a maipagarop a panaglosolos na iti puwesto.
Kinuna na nga awan kinapudno na ti nagwaras a damag a bimmaba iti pwesto ken impaganetget na a saan a nag-resign.
Agtaltalinaed isuna a fully committed ti panagserbi na iti siyudad.
Maipalagip nga immunan a ninaganan ni President Ferdinand Marcos Jr. ni Magalong kas special adviser ken investigator para iti binukel nga independent commission.
Tinakderan met ni Mayor Magalong a saan a maka-apektar iti mandato na kas mayor iti papel na iti nasao a komisyon ken agtalinaed a prayoridad na dagiti umili idiay Baguio.
