SAN FERNANDO CITY, LA UNION — Nangipaay iti pammadayaw para ti probinsya ti La Union ni Kane Angelo Maglanoc, 25-anyos, kalpasan a mangabak iti balitok a medalya ti Kombat Kickboxing sadiay Berakah Open Martial Arts Championship 2026, a naangay idiay Easter College, Baguio City idi Oktubre 17, 2026.
Ireprepresentar ni Maglanoc iti 8 Strikes Max Fusion La Union / Barbells & Brew Strength Lab, nu sadinno ket nagballigi isuna babaen iti split decision ti nasao a nasyonal a kompetisyon kontra kenni Ezekiel Bedic, maysa metlaeng a gold medalist athlete manipud Alpha-Eagles Irisan National High School.
Ti kampeonato ket indauloan met iti Samahang Taekwondo ng Pilipinas. Mangipapaay daitoy ti plataporma para kadagiti martial artists nga ipakita ti laing ken disiplina da kadagiti pada nga atleta.
Kabayatanna, adda iti likudan ti panagsagana ni Maglanoc isuda Coach Felix Rafael P. Blase, maysa a combat sports ken Brazilian Jiu-Jitsu athlete, ken ti strength & conditioning coach a ni Jose Virgil “Otet” Perez a nangtulong kenkuana tapno makondisyon ti bagi ken panunot.
Daitoy a balligi ket maysa laeng a pammaneknek iti dumakdakkel a komunidad dagiti lokal nga atleta manipud La Union iti tay-ak ti competitive martial arts.
