Saan a kuntento dagiti lokal a mannalon iti total import ban kadagiti bagas agsipud ta agtaltalinaed a nababa ti farm gate prices dagiti irik.
Segun ti Samahang Industriya ng Agrikultura (SINAG), rumbeng a mangipatungpal iti gobierno ti ₱5 tunggal kilo a support rice ken ibabawi iti taripa kadagiti imported rice.
Imbutaktak da nga awan ti epekto ken palpak iti panangipatungpal ti import ban gapo ta adda laeng iti nagbaetan ti ₱10 agingana ₱12 tunggal kilo iti presyo bayat nga dagiti dadduma a lugar ket dumanon pay ti ₱8.
Manamnama met nga ad-adda pay a bumaba iti presyo inton sumaruno a bulan kasaruno ti panawen ti panagaapit.
Kabayatanna, naipadanon dan daytoy iti Department of Agriculture ken namnamaen a masungbatan iti kiddaw da.###
