Namnamaen a nasayaat ken madanon iti lebel ti produksyon idi napalabas a tawen ti panag-ani ti pagay ita nga Oktubre ken Nobyembre, segun kenni Engr. Rosendo So, Chairman ti Samahang Industriya ng Agrikultura (SINAG).
Nupay napintas iti agdama nga apit, inlawlawag ni SO a saan nga unay a marikna iti epekto ti Super El Niño, a posible nga agduprak inton sumaruno a cropping season manipud Nobyembre agingga Marso.
Gapu iti daitoy, binilinan ti lider ti SINAG dagiti mannalon nga awanan ti umdas nga irigasyon nga agimula pay laeng kadagiti high-value crops tapnu makissayan ti posible a pannakalugi.
Imbatad ni So iti kinapateg ti nasapa a panangipaay ti fuel subsidy sakbay a mangrugi iti kabaroan a planting season tapnu dagus a mausar kadagiti agkasapulan iti talon.
Agtaltalinaed a tulbek iti nasapa a panagsagana ken suporta ti gobierno tapnu mapagtalinaed iti natibker a produksyon ti taraon iti tengnga ti pangta ti El Niño.
