BR LA UNION – Pinirmaan ni President Ferdinand R. Marcos Jr. iti Executive Order No. 100, a mangituding ti floor price iti palay (unmilled rice) iti tarigagay a maprotektaran dagiti lokal a mannalon manipud iti saan a patas ken nababa a farmgate prices ken masiguro a maka-subbot dagitoy manipud iti production costs wenno gastos iti panagtalon.
Pinirmaan ni President Marcos ti EO No. 100 wenno Establishing the Floor Price of Palay, and Providing Trigger Mechanisms for Its Implementation idi kalman, October 25, sakbay a nagbiyahe a nagturong idiay Kuala Lumpur, Malaysia.
“In view of the rising production costs coupled with climate-induced production risk and the widening profit margin gap between farmgate price and retail prices, the government recognizes the urgent need to guarantee a fair and just return to farmers by setting a floor price that
covers production costs and provides reasonable income while ensuring the affordability and stability of rice supply for consumers” the President’s EO noted.
Daytoy ket sungbat ti Presidente iti nagbalin nga arungaing kenkuana ti grupo dagiti mannalon idi napan a bulan nga agtaltalinaed a nababa ti farmgate prices iti palay, ket inallokoy da iti gobyerno nga iyemplementar iti P5-per-kilo support price ken isubli ti taripa iti imported a bagas.
Impaganetget ti grupo a saan a nakatulong ti import ban tapno maingato ti farmgate prices, agsipudta nagtalinaed a P10 ken P12 per kilo iti kaadwan a lugar ken nagsuwek pay iti agingga P8 kada kilo iti dadduma a paset ti pagilian.
