BR LA UNION – Duwapulo a mannalon idiay Pugo, La Union ti naipaayan ti Cattle Fattener wenno baka a mataraken iti sidong ti Special Area for Agricultural Development (SAAD) Program ti Department of Agriculture (DA).
Indaulwan ni Mayor Geralyn G. Bulao-Caoili ken dagiti mangibagbagi manipud DA Regional Field Office I ken Office of the Municipal Agriculturist ti pannakaibunong dagiti taraken a baka kadagiti napili a benepisyaryo manipud Palina Amianan Farmer’s Association.
Babaen ti nasao a programa, maipaayaan ti kanayunan a pamastrekan wenno pagbiagan dagiti mannalon tapno mapadur-as ti livestock industry a makatulong para iti nasay-sayaat a kasasaad dagitoy iti biag ken uray iti asosasyon.
Immawat pay dagiti nasao a mannalon iti sinako a feeds.
Nagyaman met ti LGU Pugo iti DA iti agtultuloy a suporta da iti sektor ti agrikultura ken panangipaay kadagiti programa a mangidur-as ti kasasaad ti biag dagiti mannalon.
