Mangipatungpal ti Department of Agriculture iti suggested retail price (SRP) a P53\kg para ti lokal a bagas kas giya kadagiti konsyumers.
Segun kenni Agriculture Francisco Tiu Laurel Jr., nagtulagen ti ahensya ken dagiti stakeholder ti bagas tapno mabalanse ti biruk dagiti mannalon ken kabaelan a gumatang dagiti umili.
Inlawlawag na a saan daitoy a price ceiling nu ketdi allagaden laeng para ti umiso a panagpresyo ti lokal a bagas.
Kabayatanna, agtalinaed met ti P50\kg iti price cap para ti imported five-percent broken rice kadagiti sumaganad a 30 nga aldaw, mangrugi inton Mayo 15.
Kinuna ni Laurel a naibasar ti P50 price cap iti landed import cost a dumanon ti P37 agingga P38 kada kilo, nga addaan pay ti allowance para ti logistics, spoilage, ken nainkalintegan a biruk para kadagiti importers, traders, ken retailers.
Innayon na a marugian ti implementasyon iti imported rice price cap inton sumaruno a lawas tapno maikkan ti panawen dagiti retailers ken konsyumers a maka-adjust.
