Nagturong manen iti ahensya ti Department of Justice (DOJ) dagiti agassawa a Curlee ken Sarah Discaya tapno mangisubmitir kadagiti ebidensiya seknan ti korapsyon, palpak, ken maanomalya a flood control projects ti gobierno.
Saan a naggiddan a simmangpet ti agassawa agsipud ta agtaltalinaed paylaeng iti kustodiya ti Senado ni Curlee.
Daitoy ket laksid a maibilbilang dan kas protected witnesses, karaman dagiti dadduma pay nga opisyales ti Department of Public Works and Highways (DPWH), a karaman iti anomalya. Saan metten a nagpa-interview pay ni Sarah idi simrek daitoy iti pasdek ti DOJ, ngem nagsenyas isuna iti finger heart.
Idi met rumuar isuna ket sinarungkar isuna dagiti media ken kinunana kadagitoy a pintasan dagiti “memes” na iti social media.
Mainaig iti issue ket inlawlawag ni Justice Secretary Jesus Crispin Remulla a nupay addan iti akusado iti Witness Protection Program ket sabali pay iti panagbalin ken pannakakonsiderar na kas state witness.
