Imbatad ni Baguio City Mayor Benjamin Magalong nga adda laeng ti tallo a players iti mapaspasamak a korapsyon ditoy Pilipinas.
Iti panagdar-ay na ti Senate Committee on Science and Technology hearing ket inbinglay ni Mayor Magalong a ti kunkunana a players ket dagiti korap a politiko, korap a bureaucrats , ken korap a contractors. Inyarig na ti korapsyon ditoy pagilian kas cottage industry wenno maysa a livelihood program ti kalawa ken kadakkel ti konektado a kwarta.
Inbinsa-binsa na met dagiti lima a napapateg ti akem na tapno maipatungpal ti nasao a korapsyon: dagiti mamanday-linteg, DPWH ken contractors, LGUs ken komunidad, ngem naikkat dagiti dua a maudi isu a dagiti immun-una a tallo lattan iti agpatpatang.
Inyendorso pay ni Mayor Magalong ti kaadda ti blockchain kasaruno ti panangitandudo ti transparency and accountability mechanism.
Kinunana nga awan ton ti rason dagiti opsiyales, adda man ngem nakapsoten nga alibi nga amangan matakaw wenno madadaelan da.
Naklaat pay isuna idi nadamag ti maysa a naisambot a press conference seknan ti panagbalin na kas special adviser ngem saan a kas imbestigador nga uray pay isuda met kunana iti nangidutok kenkuana iti nasao a posisiyon.
Babaen ti kabukbukodan da nga inisyatiba ket simrek da iti maysa a Memorandum of Understanding kadagiti nagduduma a maseknan kas iti Philippine National Police, National Bureau of Investigation, Civil Engineers, Integrated Bar of the Philippines, boluntaryo, ken watchgroups.
Segun iti Mayor, ti lebel ti korapsyon ditoy pagilian ket saan a mabaelan a maimbestigaran ti maysa wenno dua laeng a tawen gapo iti rinibu a kumpirmado a kaso.
Inbinsa-binsa ti opisyal a dumanon ti aganay 50 a ghost projects iti naduktalan da iti maymaysa paylaeng a probinsya karaman pay dagiti saan a dokumentado a proyekto a dumanon met ti aganay siyam a ribu.
Binabalaw na pay ti partikular a distrito a maisupadi ti nakailanad a pondo da iti National Expenditure Program wenno NEP. Kumidddaw ti saan na pay a dinakamat a distrito ti nasurok maysa a milyon pondo wenno P2.5M iti presidential’s budget ngem idi rimuar ti General Appropriations Act ket dimmanonen iti nasurok P21-B! Imbutaktak na a talaga a nakaro ti kaadda dagiti ghost ken substandard a proyekto iti nasao a lugar.
Nainsulto ditoy ni Mayor Magalong ken kinunana a saan a “tanga” dagiti Pilipino a saan a madlaw dagiti araramiden da a korapsyon a kas kayat da nga iparupa iti publiko.
