Dumanonen ti nasurok 171,000 nga indibidwal wenno 47K a pamilya manipud kadagiti 53 a barangay ti apektado ti nangdayeg a magnitude 6.9 a ginggined idiay Cebu City idi alas-10 ti rabii ti Martes, Setyembre 30.
Segun iti Office of Civil Defense (OCD), manipud kadaitoy a bilang ket 4K a pamilya wenno 20,600 nga indibidwal dagiti agtaltalinaed kadagiti evacuation centers gapo kadagiti rinibo nga aftershocks iti lugar.
Impasiguro met ni OCD Deputy Administrator for Administration Assistant Secretary Bernardo Rafaelito Alejandro IV nga agtultuloy ti operasyon ti National Disaster Risk Reduction and Management Council (NDRRMC) para ti agdama a sitwasyon sadiay Bogo City a kangrunaan a dinuprak ti didigra.
Maibasar ti assessment ti ahensya ket agkasapulan la unay ita dagiti lugar ti Medellin, Sogod, Bogo City, ken Daanbantayan kadagiti power generators, mainom a danum, hygiene kits, tents, trapal, flashlights, batteries, food packs, ken uray internet connectivity.
Dagitoy a lugar ita ti ipamaysa dagiti otoridad para ti panagsubsubli iti linya ti kuryente, komunikasyon, ken uray kasapulan kadagiti pagtaengan.
