Nagidutok ti saan a bumaa ti 2,250 a pulis ti Philippine National Police (PNP) kas kanayunan a tulong kadagiti apektado ti magnitude 6.9 a ginggined a nanagdayeg idiay Cebu.
Segun kenni Directorate for Police Community Relations Dputy Director Police Brigadier General Antonio Marallag Junior, dagitoy a pulis ket nagtaud kadagiti nagduduma a units.
Nakadeploy ti kaadwan a puersa manipud Police Regional Office 7 ken nangipatulod met ti augmentation ti PRO 8, Negros Isand Region, ken dadduma pay.
Nakapamaysa dagitoy kadagiti relief operations ken rehabilitasyon kadagiti apektado a lugar. Karaman pay iti aramiden da ket ti panangpatalinaed ti seguridad ken kinatalged ti publiko.
Iti agdama ket 34 a PNP stations ti karaman a dinadael ti nasao a ginggined bayat a 37 met ti kumpirmado a bilang dagiti apektado a pulis.
