Inwaragawag ni Presidente Ferdinand R. Marcos Junior ti maysa a katulagan ti nagbaetan dagiti ahensya ti goberno a manglaban ti illegal recruitment ken human trafficking tapno masalakniban dagiti Overseas Filipino Workers (OFWs).
Mainaig kadaitoy ket napirmaan ti Memorandum of Agreement (MOA) ti nagbaetan ti Department of Migrant Workers, Department of Labor and Employment, Technical Education and Skills Development Authority, Overseas Workers Welfare Administration, ken dagiti lokal a gobierno ti Pampanga.
Panggep ti katulagan iti nainget a koordinasyon dagiti maseknan nga ahensya, suportaran dagiti biktima, ken pagsungbaten dagiti kriminal mainaig kadagiti nadakamat a kaso.
Segun iti Ehekutibo, mangipatungpal dagiti member agencies, kabinnulig ti lokal a gobierno ti Pampanga kadagiti programa kontra illegal recruitment ken human trafficking.
Iti kapada nga event ket imbatad ni Presidente Marcos a tunggal desisyon ket nasken a maipangruna ti kinatalged dagiti Pilipino. Innayon na a dagiti opisyales iti rumbeng nga agserbi kas solusyon ken saan a kanayunan a problema para kadagiti umili.
Pinagyamanan manen iti Presidente ti sakripisyo dagiti OFWs ken impasiguro na iti agtultuloy a suporta ti gobierno nasyonal para kadakuada.
