Nainget a kinontra ti Makabayan Bloc idiay Kongreso ti resolusyon ti Senado nga agpanpanawagan para ti International Criminal Court (ICC) nga ipasidong ti house arrest ni sigud a Presidente Rodrigo Roa Duterte.
Segun iti grupo, saan a makatao ti nasao nga addang nu ketdi gandat a panangtakkab ti krimen ni Duterte mainaig kadagiti rinibu nga extra-judicial killings babaen ti gyera kontra droga ti administrasyon na.
Inwagan ni Representative Antonio Tinio ti resolusyon kas panangallilaw ti hustisya bayat nga impaganetget met ni Representative Renee Louise Co a daitoy ket maysa laeng a political maneuver tapno salakniban ti sigud a presidente ken dagiti kaalyado na.
Innayon ni Representative Sarah Elago a daitoy ket pananginsulto kadagiti pamilya a napukawan ti ay-ayaten iti biag gapo paylaeng iti nadara a kampanya na idi kontra droga.
Binabalaw da pay iti partisipasyon ni Senador Ronald “Bato” dela Rosa iti nasao a resolusyon, nu sadino ket dinakamat na a ti ICC ket posible a karaman iti krimen.
Nagpanawagan ti Makabayan Bloc idiay ICC nga ituloy ti kaso kontra kenni Duterte ken impaganetget a ti house arrest ket pananginsulto kadagiti biktima ti extrajudicial killings.
