BR LA UNION – Dagus nga imannugot ti Hamas militant group iti Gaza peace plan ni US President Donald Trump.
Ti nasao nga addang ket kasaruno iti panangipaay ti ultimatum ni Trump agingga aldaw ti Domingo tapno agdesisyon tapno sumungbat iti 20-peace plan para iti panangitandudo ti kinakapya idiay Gaza.
Segun iti Hamas, imannugot da a maki-negosasyon para iti pannakaruk-at dagiti kawtibo.
Innayon da a maki-koordinar da kadagiti mediators tapno talantanen ti sinnukat ti kawtibo.
Maipalagip a pinangtaan ni Trump iti Hamas a nu saan nga agtulnog iti impaay na nga ultimatum ket makapadas dagitoy ti saan a nasayaat.
Maipalagip nga imannugot ni Israeli Prime Minister Benjamin Netanyahu iti 20-point plan ni Trump tapno maaddaan ti kinakapya idiay Gaza.
